ازاي تساعد نفسك لو حسيت بأعراض إكتئاب ... !؟ 👐
بداية كدة ياجميل لازم تعرف ان الاكتئاب ده ليه أعراض كتيرة جدا منها مثلا إحساسك بالتعب وفقدانك لثقتك بنفسك والاحساس بالاحباط وإن خلاص مفيش فايدة ولا أمل في الحياة ومبقتش عايز تبذل أي مجهود وإن بذلت حتي مجهود قليل يتحس بالتعب وده بيأثر جدا علي نفسيتك وبالتالي هتحس بالعجز واليأس من حياتك ومن الناس ومن الدنيا بحالها
طيب أنا كإنسان مكتئب أعمل إيه عشان أساعد نفسي !؟
أولا : تحط في بالك كويس جدا إن الأفكار والمشاعر دي جزء من أعراض المرض نفسه زي ما قلت فوق وبالتالي مش حقيقية ولا بتعكس الواقع بتاعك وبالتالي كمان هتروح مع الوقت لما تطبق برنامج علاج نفسي عشان تسيطر علي أعراض المرض .
طيب هل أقدر أساعد نفسي قبل ما أخضع للبرنامج تحت إيد ممارس نفسي ؟؟
أه تقدر جدا تساعد نفسك لإن حتي المعالج مرشد ليك مهمته تكتشف نفسك وإرشادك لسلوك معين عشان يقضي علي المرض لكن تقدر كمان تساعد نفسك عن طريق أفكارك وإنك متحطش لنفسك أهداف عالية أوووي في الحياة أو أهداف مثالية وبتحتاج سنوات كتير لتحقيقها ، ركز في هدف صغير تقدر تحققه حاليا وبعد كدة تدرج وكبر أهدافك كل ما تاخد خبرة وياريت تكون أهدافك واقعية تقدر تحققها بنفسك وبدون ماديات كبيرة أو أشخاص مش بالعالم بتاعك يعني بإختصار سيبك من المدينة الفاضلة اللي إنت بتتمناها وشمر وإنزل إشتغل بإيدك عشان تحقق رضا ذاتي ممكن يوصلك لأهدافك فيما بعد بمشيئة الله .
قسِّم كل أعمالك لأعمال ومهمات صغيرة جدا علي مراحل إبدأ بالسهل ثم الصعب ثم الأصعب وهكذا عشان يديك طاقة ويحفزك تكمل ومتتوقعش إنك برضه ممكن تنجز كل حاجة .. رفقا بنفسك شوية يا معلم هي برضه ليها عليك حق .. قسم مهمتين النهاردة أو مهمة واحدة مثلا عشان لما تخلصها تحس بطعم النجاح والإنجاز ، مش لازم عشر مهمات لإنك لو معملتش العشر مهمات كاملين هتحبط وتحس بالفشل وده اللي إحنا مش عايزينه يحصل خاااالص .
إتجنب الوحدة بكل أشكالها وأنواعها .. حاول تخرج مع أصحابك أو تروح الجيم أو تتكلم مع زمايلك في الشغل وتستمتع معاهم بكباية شاي لطيفة كدة وحوار جميل أو تروح تتفسح مع أسرتك و تزور حد من قرايبك أهو تخرج من قوقعتك ويوسع رزقك كمان والرزق راحة بال كمان مش فلوس بس خللي بالك . 😎
ولما تحس بالإكتئاب من فضلك متاخدش أي قرارات مصيرية وإنت في الحالة دي نهائي لاجواز ولا إستقالة من الشغل ولا طلاق بدون ما تكلم حد من أسرتك أو حد بتثق فيه وفي عقليته لإنه هيشوف الصورة أوضح منك ( مشاعر الاكتئاب والحزن ملغوشة الصورة شوية عند حضرتك )
وأخيرا ... متتوقعش إنك هتخرج من الإكتئاب ده بسهولة كدة لا في شهر ولا إتنين بدون مجهود يذكر .. لازم تعافر وتخلي عندك أمل ويقين بربنا إنك متهونش عليه .. قرب ليه تصدق وإدعي ينور بصيرتك ويخرجك من أشد الضيق لأوسع الفرج وهيستجيب وطبعا متلومش نفسك كتير أو تحسيها بالذنب لمجرد إنك بقالك شهر بتروح للدكتور أو بتطبق النصايح دي ومخفتش بالكامل !!
أهم حاجة أسرتك تعرف إكتئابك و مزاجك الحزين وأعراضه عشان تقدر تساعدك وتكون مدعم قوي ليك .. 😉
#الحزن_الخبيث_ساعد_نفسك
#انت_تقدر 💪
#دكتور_سمر_محمد_إستشاري_أسري_تربوي_معالج_سلوكي
بداية كدة ياجميل لازم تعرف ان الاكتئاب ده ليه أعراض كتيرة جدا منها مثلا إحساسك بالتعب وفقدانك لثقتك بنفسك والاحساس بالاحباط وإن خلاص مفيش فايدة ولا أمل في الحياة ومبقتش عايز تبذل أي مجهود وإن بذلت حتي مجهود قليل يتحس بالتعب وده بيأثر جدا علي نفسيتك وبالتالي هتحس بالعجز واليأس من حياتك ومن الناس ومن الدنيا بحالها
طيب أنا كإنسان مكتئب أعمل إيه عشان أساعد نفسي !؟
أولا : تحط في بالك كويس جدا إن الأفكار والمشاعر دي جزء من أعراض المرض نفسه زي ما قلت فوق وبالتالي مش حقيقية ولا بتعكس الواقع بتاعك وبالتالي كمان هتروح مع الوقت لما تطبق برنامج علاج نفسي عشان تسيطر علي أعراض المرض .
طيب هل أقدر أساعد نفسي قبل ما أخضع للبرنامج تحت إيد ممارس نفسي ؟؟
أه تقدر جدا تساعد نفسك لإن حتي المعالج مرشد ليك مهمته تكتشف نفسك وإرشادك لسلوك معين عشان يقضي علي المرض لكن تقدر كمان تساعد نفسك عن طريق أفكارك وإنك متحطش لنفسك أهداف عالية أوووي في الحياة أو أهداف مثالية وبتحتاج سنوات كتير لتحقيقها ، ركز في هدف صغير تقدر تحققه حاليا وبعد كدة تدرج وكبر أهدافك كل ما تاخد خبرة وياريت تكون أهدافك واقعية تقدر تحققها بنفسك وبدون ماديات كبيرة أو أشخاص مش بالعالم بتاعك يعني بإختصار سيبك من المدينة الفاضلة اللي إنت بتتمناها وشمر وإنزل إشتغل بإيدك عشان تحقق رضا ذاتي ممكن يوصلك لأهدافك فيما بعد بمشيئة الله .
قسِّم كل أعمالك لأعمال ومهمات صغيرة جدا علي مراحل إبدأ بالسهل ثم الصعب ثم الأصعب وهكذا عشان يديك طاقة ويحفزك تكمل ومتتوقعش إنك برضه ممكن تنجز كل حاجة .. رفقا بنفسك شوية يا معلم هي برضه ليها عليك حق .. قسم مهمتين النهاردة أو مهمة واحدة مثلا عشان لما تخلصها تحس بطعم النجاح والإنجاز ، مش لازم عشر مهمات لإنك لو معملتش العشر مهمات كاملين هتحبط وتحس بالفشل وده اللي إحنا مش عايزينه يحصل خاااالص .
إتجنب الوحدة بكل أشكالها وأنواعها .. حاول تخرج مع أصحابك أو تروح الجيم أو تتكلم مع زمايلك في الشغل وتستمتع معاهم بكباية شاي لطيفة كدة وحوار جميل أو تروح تتفسح مع أسرتك و تزور حد من قرايبك أهو تخرج من قوقعتك ويوسع رزقك كمان والرزق راحة بال كمان مش فلوس بس خللي بالك . 😎
ولما تحس بالإكتئاب من فضلك متاخدش أي قرارات مصيرية وإنت في الحالة دي نهائي لاجواز ولا إستقالة من الشغل ولا طلاق بدون ما تكلم حد من أسرتك أو حد بتثق فيه وفي عقليته لإنه هيشوف الصورة أوضح منك ( مشاعر الاكتئاب والحزن ملغوشة الصورة شوية عند حضرتك )
وأخيرا ... متتوقعش إنك هتخرج من الإكتئاب ده بسهولة كدة لا في شهر ولا إتنين بدون مجهود يذكر .. لازم تعافر وتخلي عندك أمل ويقين بربنا إنك متهونش عليه .. قرب ليه تصدق وإدعي ينور بصيرتك ويخرجك من أشد الضيق لأوسع الفرج وهيستجيب وطبعا متلومش نفسك كتير أو تحسيها بالذنب لمجرد إنك بقالك شهر بتروح للدكتور أو بتطبق النصايح دي ومخفتش بالكامل !!
أهم حاجة أسرتك تعرف إكتئابك و مزاجك الحزين وأعراضه عشان تقدر تساعدك وتكون مدعم قوي ليك .. 😉
#الحزن_الخبيث_ساعد_نفسك
#انت_تقدر 💪
#دكتور_سمر_محمد_إستشاري_أسري_تربوي_معالج_سلوكي
0 تعليقات