المودة والرحمة مفهوم شامل واسع ومطاط .. بيشمل الظاهر والباطن .. يعني مش معناه المودة والتكاثروالصداقة والفضل والعدل وبس .. ده بيدخل فيها كل شئ بس عشان نفهمه صح لازم نفسره صح .. ولازم كمان نتعلم نطبقه صح وعشان يطبق صح يبقي لازم نعرف ايه السلوكيات اللي بتدل ع المفهوم ده ولو عملناها يبقي طبقنا مفهوم المودة والرحمة في الموقف اللي بنطبق فيه السلوكيات دي ... السلوكيات دي متعلمة مش مولودين بيها علي فكرة .. زي التواصل (كلنا عارفين ان اللغة مكتسبة ) والفهم السليم لافكار ومشاعر الاخر .. بس فيه ناس متعرفش ازاي تتواصل مع ازواجهم صح لذلك بعمل تمارين .. زي ايه كمان زي الاحترام وطبعا الاحترام مش شكلي بس ولا قدام الناس لا .. ده احترام الشخص لنفسه اولا ولشريكه حتي لو مش موجود .. زي الاحسان اليه دائما والتغافل عن زلاته ..زي الترأف بيه وقت الأزمة سواء مادية أو نفسية أو جسمية أو حتي روحية .. زي عطفه عليها ورحمته لوقت ضعفها .. زي الشعور بالسعادة لوجوده .. زي مثلا احترام مشاعره وعدم محادثة الجنس الاخر عشان مشاعره .. زي الكلام عنه باجمل الكلام .. زي الدفاع عنه وعن سيرته قدام الكل .. زي النظرة بعينه وقت الحوار .. زي الاستجابة لاي مشاعر ومحاولة مجارته بها يعني لو حست بحزن متستهزاش بمشاعرها وتضحك مثلا .. زي التزين للاخر لارضاء نظره منها / منه .. زي الدفاع عنه امام الابناء والأهل والناس .. زي تعليم الابناء احترامه ومناداته بأحلي الاسماء امامهم ... زي مدها ومدح أنوثتها ورقتها .. زي مدح مشترواته وإظهار اعجابك بيه واظهار اعجابك بطريقة قيامه بالامور أو رعاية المنزل .. حتي لو مش مفيش حب بين الزوجين السلوكيات دي مطلوبة جدا من باب الرحمة أي العدل ... ولإن الرحمة البوابة العميقة للحب <3
#سمر_محمد_إرشاد_أسري
#سمر_محمد_إرشاد_أسري
0 تعليقات