هيتجوزني ولا ... !؟
كتير من البنات لما بتقابل رجل سواء كان صديق او زميل في الجامعة بتبدأ تتعامل معاه بشكل رسمي في الاول لكن بعد كدة لما ياخدوا علي بعض ممكن تقع في حبه بس مبتبقاش قادرة تصارحه لانها بتبقي مكسوفه جدا حتي لو هو صارحها هي مبتبقاش عارفة هو هيتجوزها ولا هيفضل يحب فيها وخلاص وتعمل ايه ؟ تأجل السؤال ده لحد ما هو يطلب يفاتحها بالموضوع بصراحة ويطسهالها كدة " أنا عايز أتجوزك يا حبيببتي " ، أو تبتدي تسأل بطريقة مباشرة وتقوله انا عايزة اعرف انت نهايتك معايا ايه ؟ او نيتك معايا حب ولا جواز ولا سيادتك مقضيها ؟؟ وده بقي اللي بيخللي الرجل يبتدي يقلق أو يهرب منها ويغيب فترة ويقولها مقدرش احدد دلوقتي او سيبي الموضوع ده في وقته لانه ببساطة اتعرف عليها عشان يعيش اللحظة ويقضي معاها وقت لطيف وخلاص واذا جه الحب بعدين بياخد خطوة لكن لومجاش بيبعد انما البنت لما بتدخل مرحلة التعارف دي بيبقي كل هدفها الجواز مش الحب ذاته ، لكن خلينا نقول كفاية بقي خليكي صريحة وبادري انتي بالسؤال لكن أسئلة تبقي غير مباشرة وبتعتمد اكتر علي ملاحظتك لسلوكه وكلامه ولغة جسده ، بلاش تسرع وتأني الاول وحددي انتي عايزاه فعلا ؟ راضية ان ولادك يكونوا من الشخص ده ؟ يعني شايفاه رجل بيتحمل المسئولية وبتحبيه عقلا ونفسا وروحا وجسدا ، بتحبيه بكل ما فيكي بعقلك وقلبك ومتوافقه معاه فعلا ؟ قولتي ايوة بحبه تمام حددي بقي انتي عايزاه إجتماعي ولا لأ لاني دي النقطة اللي هتعرفك هو هيلتزم ولا باي ، اساليه ازاي بيقضي وقت فراغه ومع مين وازاي بيقضي اجازته الاسبوعية ومع مين ؟
لاحظي كلامه لاحظي كلمة " إحنا " اللي ببقولها وهو بيتكلم عن صحابه ، بيقولها كتير ده دليل علي انه منتمي لجماعة رفاق وبيخرجوا كتير ويسهروا ويتفسحوا ، لان لو كدة يبقي هو منتمي لجماعة اصلا ومش عايز يفترق عنها وبكدة هو غير ناضج وغير متكيف اجتماعيا مظبوط لانه يقضي كل سهراته مع رفاقه برة البيت طول الليل وفي كل مكان ، إعرفي إن درجة التزامه بالارتباط الجاد ضعيبفة جدا ، لان الرجل ببساطة منتمي لجماعة صحبة ومقدم ليها ولائه وإنتمائه الكامل لانها بتشبع احتياجاته العاطفية والاجتماعية ده خلاف انه طالما بيتكلم بكلمة " إحنا " إعرفي علي طول انه متأثر بافكار شلته وارائهم وطبعا انا مبتكلمش هنا واقولك خدي رجل منعزل عن العالم لا بقولك خديه عنده اصحاب بس اصحاب وهو بيكلمك عنهم تعرفي انهم متدينين وملتزمين بيقضوا سهراتهم وفسحهم بطريقة صحية زي نادي في البيت مثلا مطش كورة او كافيه او صالة سينما او مكتبة ..الخ بيقضوا معاه وقت في اماكن محددة مش مقضيينها سفريات وكل يوم في بلد ، لكن لو بيقضوا كل سهراتهم وفسحهم برة البيت ومنتمي ليهم ومعتنق افكارهم هنا مش هيبصلك علي انك انثي ومصدر سعادة ده هيبصلك انك مصدر خطر جاي يخطفه من جماعته ومعتقدش انك داخلة في وقت مناسب ولكن اذا قل استخدامه لكلمة " إحنا " وكان في جماعة وقت طويل ومل منها وفقد اهتمامه بيها فهيبدأ هنا بقي يدور علي الحب والاستقرار وكمان تعرفي اذا كان كل اصدقائه مخطوبين او متجوزين فهتعرفي وقتها ان جماعته دي بتشكل ضغط عليه عشان هو كمان يرتبط فبالتالي لما يتقلب كلمة " إحنا " لــ " أنا " فاعرفي ان التوقيت ده مناسب للارتباط وطالما انتي متوفقه معاه وهو متوافق معاكي خلاص اطمني .
ماضيه :عشان تفهمي سلوكه اللي جاي فلازم تعرفي ايه سلوكه اللي كان في الماضي ، موقفه ناحية قضايا محددة تاريخه هتعرفيها عن طريق توجيه اسئلة توضح مدي التزامه مش بيكي دلوقتي بس لكن التزلمه في كل شئ ، الملتزم بيبقي ملتزم في كل شئ " من امتي وهو في وظيفته " عنده حيوانات أليفة بيحبها وبيعتني بيها او نباتات ، عنده بيت واحد ولا بينتقل كل شوية من مكان لمكان زي المكوك ؟ بيغيرعربيته واصدقاؤه كل قد ايه ، التزم قبل كدة بعلاقة حب فترة طويلة وايه كان سبب الفراق وحصل ازاي ، وطعبا كل الاسئلة دي تدرجيها في الحوار بشكل مقطع كدة مش مرة واحدة انتي مش شويش ، ولو مش قادر يلتزم بعلاقة او يهتم بنبات او حيوان او بيتنقل كل شوية من وظيفة للتانية اعرفي انه مش مستقر نفسيا ومش ناوي يدخل القفص الذهبي ومش تقولي هاعالجه لانك مش دكتور نفسي يا جميل .
اساليه عن اهله اوالناس المهمين في حياته اهله اقرابه اخواته الكبار ملتزمين في علاقاتهم ولا علاقاتهم مفككة ، وطبعا ليه لان دول هيبقوا قدوته وهيأثروا عليه حتي في مسالة الالتزام قي علاقة وفكرة الجواز نفسها ، افهمي خبراته ومفهومه عن الالتزام والجواز ايه بيشوف ازاي المتجوزين دلوقتي ، عايشين في سعادة ولا بيقولك الواحد من دول يتجوز تلاقيه عايش في مشاكل وديون ، بيقدس فكرة الجواز ولا لا ، لو أهله كانوا سعداء هيأثروا علي فكرته عن الجواز وممكن ياخد خطوة ايجابية ويرتبط ، أهله كانوا بيتخانقوا ودايما فيه مشاكل وخناقات وطلاق اعرفي انه مش هيبقي عايز يلتزم ولا يتجوز لان فكرة الجواز ارتبطت معاه الالم وبالتالي عاني من الطلاق والمشكلات دي اثرت علي نفسيته بطريقة او باخري فهيبقي خايف فعلا يرتبط !
مع تحياتي لكل البنات بالسعادة والزواج الصالح #سمر_محمد_إرشاد_أسري
كتير من البنات لما بتقابل رجل سواء كان صديق او زميل في الجامعة بتبدأ تتعامل معاه بشكل رسمي في الاول لكن بعد كدة لما ياخدوا علي بعض ممكن تقع في حبه بس مبتبقاش قادرة تصارحه لانها بتبقي مكسوفه جدا حتي لو هو صارحها هي مبتبقاش عارفة هو هيتجوزها ولا هيفضل يحب فيها وخلاص وتعمل ايه ؟ تأجل السؤال ده لحد ما هو يطلب يفاتحها بالموضوع بصراحة ويطسهالها كدة " أنا عايز أتجوزك يا حبيببتي " ، أو تبتدي تسأل بطريقة مباشرة وتقوله انا عايزة اعرف انت نهايتك معايا ايه ؟ او نيتك معايا حب ولا جواز ولا سيادتك مقضيها ؟؟ وده بقي اللي بيخللي الرجل يبتدي يقلق أو يهرب منها ويغيب فترة ويقولها مقدرش احدد دلوقتي او سيبي الموضوع ده في وقته لانه ببساطة اتعرف عليها عشان يعيش اللحظة ويقضي معاها وقت لطيف وخلاص واذا جه الحب بعدين بياخد خطوة لكن لومجاش بيبعد انما البنت لما بتدخل مرحلة التعارف دي بيبقي كل هدفها الجواز مش الحب ذاته ، لكن خلينا نقول كفاية بقي خليكي صريحة وبادري انتي بالسؤال لكن أسئلة تبقي غير مباشرة وبتعتمد اكتر علي ملاحظتك لسلوكه وكلامه ولغة جسده ، بلاش تسرع وتأني الاول وحددي انتي عايزاه فعلا ؟ راضية ان ولادك يكونوا من الشخص ده ؟ يعني شايفاه رجل بيتحمل المسئولية وبتحبيه عقلا ونفسا وروحا وجسدا ، بتحبيه بكل ما فيكي بعقلك وقلبك ومتوافقه معاه فعلا ؟ قولتي ايوة بحبه تمام حددي بقي انتي عايزاه إجتماعي ولا لأ لاني دي النقطة اللي هتعرفك هو هيلتزم ولا باي ، اساليه ازاي بيقضي وقت فراغه ومع مين وازاي بيقضي اجازته الاسبوعية ومع مين ؟
لاحظي كلامه لاحظي كلمة " إحنا " اللي ببقولها وهو بيتكلم عن صحابه ، بيقولها كتير ده دليل علي انه منتمي لجماعة رفاق وبيخرجوا كتير ويسهروا ويتفسحوا ، لان لو كدة يبقي هو منتمي لجماعة اصلا ومش عايز يفترق عنها وبكدة هو غير ناضج وغير متكيف اجتماعيا مظبوط لانه يقضي كل سهراته مع رفاقه برة البيت طول الليل وفي كل مكان ، إعرفي إن درجة التزامه بالارتباط الجاد ضعيبفة جدا ، لان الرجل ببساطة منتمي لجماعة صحبة ومقدم ليها ولائه وإنتمائه الكامل لانها بتشبع احتياجاته العاطفية والاجتماعية ده خلاف انه طالما بيتكلم بكلمة " إحنا " إعرفي علي طول انه متأثر بافكار شلته وارائهم وطبعا انا مبتكلمش هنا واقولك خدي رجل منعزل عن العالم لا بقولك خديه عنده اصحاب بس اصحاب وهو بيكلمك عنهم تعرفي انهم متدينين وملتزمين بيقضوا سهراتهم وفسحهم بطريقة صحية زي نادي في البيت مثلا مطش كورة او كافيه او صالة سينما او مكتبة ..الخ بيقضوا معاه وقت في اماكن محددة مش مقضيينها سفريات وكل يوم في بلد ، لكن لو بيقضوا كل سهراتهم وفسحهم برة البيت ومنتمي ليهم ومعتنق افكارهم هنا مش هيبصلك علي انك انثي ومصدر سعادة ده هيبصلك انك مصدر خطر جاي يخطفه من جماعته ومعتقدش انك داخلة في وقت مناسب ولكن اذا قل استخدامه لكلمة " إحنا " وكان في جماعة وقت طويل ومل منها وفقد اهتمامه بيها فهيبدأ هنا بقي يدور علي الحب والاستقرار وكمان تعرفي اذا كان كل اصدقائه مخطوبين او متجوزين فهتعرفي وقتها ان جماعته دي بتشكل ضغط عليه عشان هو كمان يرتبط فبالتالي لما يتقلب كلمة " إحنا " لــ " أنا " فاعرفي ان التوقيت ده مناسب للارتباط وطالما انتي متوفقه معاه وهو متوافق معاكي خلاص اطمني .
ماضيه :عشان تفهمي سلوكه اللي جاي فلازم تعرفي ايه سلوكه اللي كان في الماضي ، موقفه ناحية قضايا محددة تاريخه هتعرفيها عن طريق توجيه اسئلة توضح مدي التزامه مش بيكي دلوقتي بس لكن التزلمه في كل شئ ، الملتزم بيبقي ملتزم في كل شئ " من امتي وهو في وظيفته " عنده حيوانات أليفة بيحبها وبيعتني بيها او نباتات ، عنده بيت واحد ولا بينتقل كل شوية من مكان لمكان زي المكوك ؟ بيغيرعربيته واصدقاؤه كل قد ايه ، التزم قبل كدة بعلاقة حب فترة طويلة وايه كان سبب الفراق وحصل ازاي ، وطعبا كل الاسئلة دي تدرجيها في الحوار بشكل مقطع كدة مش مرة واحدة انتي مش شويش ، ولو مش قادر يلتزم بعلاقة او يهتم بنبات او حيوان او بيتنقل كل شوية من وظيفة للتانية اعرفي انه مش مستقر نفسيا ومش ناوي يدخل القفص الذهبي ومش تقولي هاعالجه لانك مش دكتور نفسي يا جميل .
اساليه عن اهله اوالناس المهمين في حياته اهله اقرابه اخواته الكبار ملتزمين في علاقاتهم ولا علاقاتهم مفككة ، وطبعا ليه لان دول هيبقوا قدوته وهيأثروا عليه حتي في مسالة الالتزام قي علاقة وفكرة الجواز نفسها ، افهمي خبراته ومفهومه عن الالتزام والجواز ايه بيشوف ازاي المتجوزين دلوقتي ، عايشين في سعادة ولا بيقولك الواحد من دول يتجوز تلاقيه عايش في مشاكل وديون ، بيقدس فكرة الجواز ولا لا ، لو أهله كانوا سعداء هيأثروا علي فكرته عن الجواز وممكن ياخد خطوة ايجابية ويرتبط ، أهله كانوا بيتخانقوا ودايما فيه مشاكل وخناقات وطلاق اعرفي انه مش هيبقي عايز يلتزم ولا يتجوز لان فكرة الجواز ارتبطت معاه الالم وبالتالي عاني من الطلاق والمشكلات دي اثرت علي نفسيته بطريقة او باخري فهيبقي خايف فعلا يرتبط !
مع تحياتي لكل البنات بالسعادة والزواج الصالح #سمر_محمد_إرشاد_أسري
0 تعليقات