هتجوز رجل ومربي ولا هأتجوز رجل بس !!؟ (1)
كل بنت مننا لما بترتبط بشاب بيكون هدفها من الزواج الإستقرار العاطفي وتكوين أسرة وإنجاب أطفال عشان تشبع رغبتها في الأمومة وكمان تنتج أولاد أصحاء يشيلوا حمل الأمة الإسلامية ويبلغوا العلم ويرفعوا راسها دنيا وآخرة بس أحيانا البنت بتدخل الجوازة وبتبقي متأكدة إن الرجل ده هيحبها بس مش متأكدة إن الرجل ده هيشارك في تربية ولادها ولا هيبدأ دوره وينتهي عند المعاشرة الحميمية والإخصاب بس ، وبالتأكيد لو عرفت ده بدري في بداية العلاقة ده هيكون مفيد جدا ليها عشان ع الأقل لو مش هيكون أب كويس ننهي العلاقة دي بدل ما الفاس تقع في الراس الغلط ..
بداية لازم البنت تعرف أول شئ خبراته مع أسرته ونوع العلاقة بين أهله وخاصة علاقته بوالده ، الرجل ممكن يكون شايف أمه نموذج مثالي للزوجة الصلحة بس لما هييجي يربي ويتعامل في البيت مع أنثي وأولاد هيمشي بالظبط زي والده مهو الولد سر أبيه :-/ وعشان تعرفي رؤيته وإدراكه لدور والده ، شايفه صح ولا غلط ، هيتعامل ازاي مع الصح وهيكرره بنفس الطريقة وهيتعامل إزاي مع الغلط وهيتحاشاه إزاي ؟؟؟؟
إسأليه بيتكلم مع أهله كام مرة ، بيزورهم كام مرة لو هوبعيد عنهم مثلا ، ده هيقولك مكان أسرته في أولوياته وهو يقدر يقوم بدور رب الاسرة ولا لا ، أسرته رقم واحد في حياته ولا مبيفكرش فيها أصلا ! إسأليه عن الموقف اللي بياخده في حدوث مشكلة في أسرته ولاحظي إنتي من كلامه أو موقف مر بيه أوحكالك عليه هو بيحل المشكلة فعلاً ولا بيفضل يشتكي ويقولك أنا مضغوط نفسيا ومبيعرفش يفكر ، شوفي إيه نوع الحلول اللي بيقدمها حلول واقعية وعملية وبيراعي فيها ربه وعقله ومشاعر الناس اللي حواليه وبيقدر يطبقها ولا حلول خيالية مش بيعرف يطبقها لأنها مش قابلة للتطبيق أصلا ، طيب راضي عن الحلول ! طيب بيزور والده لو مريض وبيعطيه شوية إهتمام ولا ؟ بيخفف شوية عن والدته لو زهقانة وبيعقد يسمعها ولا بيهمل مشاعرها ؟ بإختصار إزاي هيرتب أولوياته في الأسرة ؟؟؟
وعشان تعرفي مدي إدراكه لدور والده لاحظي كل شئ هو بيقوله وإساليه سمات شخصية والده إيه ؟ كان نفسه يعمل إيه مع والده وهو صغير عشان تعرفي هو إتحرم من إيه ، من وجوده فمش هيبقي موجود لأطفالك ولا من مال ولعب فطفولته مقدرش يستمتع بيها ودي علي فكرة ممكن تظهر مشكلة بعدين في مراحل متقدمة من عمره أو حدوث أي مشكلة تلاقيه إرتد لمرحلة الطفولة فجأة وبيمارش حاجات طفولية .
إساأليه والده كان موجود وبيفتخر بإنجازاته وبيقضي وقت لطيف معاه ولا لأ ، والده كان متحمل المسئولية وبيستمتع بمسئوليته كأب ده هيقولك هو شايف الأبوة تجربة ممتعة ولا حمل تقيل ومسئولية مش قادر يقوم بيها ويقولك برضه هو هيبقي موجود مع الأطفال ويفسحهم ويشاركهم الأنشطة بتاعتهم عشان يسعدهم ولا ؟ والده كان بيذاكر معاه ولا سايب الحمل كله علي والدته ؟
كان عنيف ، متسلط ، بيستخدم عقاب بدني ونفسي وسخرية من قدرات طفله ؟ ده هيقولك إيه الأساليب التربوية اللي ممكن يربي ولادك بيها ؟ طيب أسلوب والده في التعامل مع أطفاله عشان يسمعوه وينوله حبهم كان إزاي ؟ كان بيستخدم إيه الرهبة والرعب والتخويف ليهم عشان يحترموه ويسمعوا الكلام ، ولا لعب دور البطل المنقذ اللي دايماً موجود عشان ولاده ولا هيقدم ليهم رشوة ومكافآت عشان ينول حبهم ؟ ده كله هيقولك أسلوب والده في جذب إنتباه أطفاله وبيستخدم إيه عشان يسيب بصمة في حياتهم ؟ وعلي فكرة الثلاث أساليب دول غلط لإن الاولي طبعا هيطلع طفل عدواني ومش واثق في نفسه والتانية إتكالي ومعندوش خبرات لإن مش بيحملهم مسئولية وعايش في دور البطل اللي دايما بينجدهم من أخطائهم والثالثة دي برضه غلط لإن رشوة ومكافآت هيحببهم في المال إكتر ويبقوا ماديين ومش شايفين الدنيا غير فلوس وبس وهتلاقي قدامك شخص بارد المشاعر مش هيرضيكي كأنثي ، منكرش دور المال بس ده في الإحتياجات والمناسبات لكن أثناي التربية وغرس سلوكيات المفروض يكون الشخص بيقدم مكافأة نفسية زي المدح والتشجيع وبيشجع أطفاله علي تحمل مسئوليات أفعالهم وسايبلهم مساحة من الحرية والخصوصية ومبيتدخلش إلا في الأمور الخطرة بس ..
عموما هو كان شايف والده قدوة ونموذج كويس للأبوة ؟ لإن طريقة إدراكه لدور والده هتأثر علي طريقة تربيته لأولادك انتي ، مهو الرجل دايماً بيبقي سر أبيه خدي بالك لأنه لو شايف باباه قدوة بس فيه عيوب هيقلد العيوب دي برضه ولو قالك انا مش راضي عن والدي لأي سبب من الأسباب يبقي هيبدع نموذج تربوي خاص بيه وطبعاً النموذج ده لازم تعرفيه لأن ممكن يكون عكسي في أغلب الاوقات وعكسي لحد التطرف كمان لدرجة إن باباه لو كان قاسي وبيحرمه ممكن يعكس ويكون حنين زيادة عن اللازم وبيعطي ببذخ لأولاده لحد إفسادهم وطبعا متنسيش إن ده محتاج وقت وجهد كبير لإنه قرر يمشي عكس التربية بتاعته عكس التيار تماماً لذلك الموضوع ممكن يكون صعب شوية بالنسبة له ، في الحالة دي تقدري تتكلمي معاه في أساليب التربية السليمة وتعرفي هو قرر يعمل إيه والأفضل لو قالك إنه مش راضي ترشحيله كورس تربية أوكتاب عشان يستفاد منه لإن بالفعل شخص زي ده محتاج مساعدتك وتدعيمك بجانب جهده لو عايزة تكملي معاه أما لو مش عايزة تبذلي مجهود أو مفيش بينكم حب كفاية أو مش هتقدري تدعمي يبقي إنفدي بجلدك أحسن بدري بدري :D
مع تحياتي وأمنياتي بزواج سعيد #سمر_محمد_إرشاد_أسري
كل بنت مننا لما بترتبط بشاب بيكون هدفها من الزواج الإستقرار العاطفي وتكوين أسرة وإنجاب أطفال عشان تشبع رغبتها في الأمومة وكمان تنتج أولاد أصحاء يشيلوا حمل الأمة الإسلامية ويبلغوا العلم ويرفعوا راسها دنيا وآخرة بس أحيانا البنت بتدخل الجوازة وبتبقي متأكدة إن الرجل ده هيحبها بس مش متأكدة إن الرجل ده هيشارك في تربية ولادها ولا هيبدأ دوره وينتهي عند المعاشرة الحميمية والإخصاب بس ، وبالتأكيد لو عرفت ده بدري في بداية العلاقة ده هيكون مفيد جدا ليها عشان ع الأقل لو مش هيكون أب كويس ننهي العلاقة دي بدل ما الفاس تقع في الراس الغلط ..
بداية لازم البنت تعرف أول شئ خبراته مع أسرته ونوع العلاقة بين أهله وخاصة علاقته بوالده ، الرجل ممكن يكون شايف أمه نموذج مثالي للزوجة الصلحة بس لما هييجي يربي ويتعامل في البيت مع أنثي وأولاد هيمشي بالظبط زي والده مهو الولد سر أبيه :-/ وعشان تعرفي رؤيته وإدراكه لدور والده ، شايفه صح ولا غلط ، هيتعامل ازاي مع الصح وهيكرره بنفس الطريقة وهيتعامل إزاي مع الغلط وهيتحاشاه إزاي ؟؟؟؟
إسأليه بيتكلم مع أهله كام مرة ، بيزورهم كام مرة لو هوبعيد عنهم مثلا ، ده هيقولك مكان أسرته في أولوياته وهو يقدر يقوم بدور رب الاسرة ولا لا ، أسرته رقم واحد في حياته ولا مبيفكرش فيها أصلا ! إسأليه عن الموقف اللي بياخده في حدوث مشكلة في أسرته ولاحظي إنتي من كلامه أو موقف مر بيه أوحكالك عليه هو بيحل المشكلة فعلاً ولا بيفضل يشتكي ويقولك أنا مضغوط نفسيا ومبيعرفش يفكر ، شوفي إيه نوع الحلول اللي بيقدمها حلول واقعية وعملية وبيراعي فيها ربه وعقله ومشاعر الناس اللي حواليه وبيقدر يطبقها ولا حلول خيالية مش بيعرف يطبقها لأنها مش قابلة للتطبيق أصلا ، طيب راضي عن الحلول ! طيب بيزور والده لو مريض وبيعطيه شوية إهتمام ولا ؟ بيخفف شوية عن والدته لو زهقانة وبيعقد يسمعها ولا بيهمل مشاعرها ؟ بإختصار إزاي هيرتب أولوياته في الأسرة ؟؟؟
وعشان تعرفي مدي إدراكه لدور والده لاحظي كل شئ هو بيقوله وإساليه سمات شخصية والده إيه ؟ كان نفسه يعمل إيه مع والده وهو صغير عشان تعرفي هو إتحرم من إيه ، من وجوده فمش هيبقي موجود لأطفالك ولا من مال ولعب فطفولته مقدرش يستمتع بيها ودي علي فكرة ممكن تظهر مشكلة بعدين في مراحل متقدمة من عمره أو حدوث أي مشكلة تلاقيه إرتد لمرحلة الطفولة فجأة وبيمارش حاجات طفولية .
إساأليه والده كان موجود وبيفتخر بإنجازاته وبيقضي وقت لطيف معاه ولا لأ ، والده كان متحمل المسئولية وبيستمتع بمسئوليته كأب ده هيقولك هو شايف الأبوة تجربة ممتعة ولا حمل تقيل ومسئولية مش قادر يقوم بيها ويقولك برضه هو هيبقي موجود مع الأطفال ويفسحهم ويشاركهم الأنشطة بتاعتهم عشان يسعدهم ولا ؟ والده كان بيذاكر معاه ولا سايب الحمل كله علي والدته ؟
كان عنيف ، متسلط ، بيستخدم عقاب بدني ونفسي وسخرية من قدرات طفله ؟ ده هيقولك إيه الأساليب التربوية اللي ممكن يربي ولادك بيها ؟ طيب أسلوب والده في التعامل مع أطفاله عشان يسمعوه وينوله حبهم كان إزاي ؟ كان بيستخدم إيه الرهبة والرعب والتخويف ليهم عشان يحترموه ويسمعوا الكلام ، ولا لعب دور البطل المنقذ اللي دايماً موجود عشان ولاده ولا هيقدم ليهم رشوة ومكافآت عشان ينول حبهم ؟ ده كله هيقولك أسلوب والده في جذب إنتباه أطفاله وبيستخدم إيه عشان يسيب بصمة في حياتهم ؟ وعلي فكرة الثلاث أساليب دول غلط لإن الاولي طبعا هيطلع طفل عدواني ومش واثق في نفسه والتانية إتكالي ومعندوش خبرات لإن مش بيحملهم مسئولية وعايش في دور البطل اللي دايما بينجدهم من أخطائهم والثالثة دي برضه غلط لإن رشوة ومكافآت هيحببهم في المال إكتر ويبقوا ماديين ومش شايفين الدنيا غير فلوس وبس وهتلاقي قدامك شخص بارد المشاعر مش هيرضيكي كأنثي ، منكرش دور المال بس ده في الإحتياجات والمناسبات لكن أثناي التربية وغرس سلوكيات المفروض يكون الشخص بيقدم مكافأة نفسية زي المدح والتشجيع وبيشجع أطفاله علي تحمل مسئوليات أفعالهم وسايبلهم مساحة من الحرية والخصوصية ومبيتدخلش إلا في الأمور الخطرة بس ..
عموما هو كان شايف والده قدوة ونموذج كويس للأبوة ؟ لإن طريقة إدراكه لدور والده هتأثر علي طريقة تربيته لأولادك انتي ، مهو الرجل دايماً بيبقي سر أبيه خدي بالك لأنه لو شايف باباه قدوة بس فيه عيوب هيقلد العيوب دي برضه ولو قالك انا مش راضي عن والدي لأي سبب من الأسباب يبقي هيبدع نموذج تربوي خاص بيه وطبعاً النموذج ده لازم تعرفيه لأن ممكن يكون عكسي في أغلب الاوقات وعكسي لحد التطرف كمان لدرجة إن باباه لو كان قاسي وبيحرمه ممكن يعكس ويكون حنين زيادة عن اللازم وبيعطي ببذخ لأولاده لحد إفسادهم وطبعا متنسيش إن ده محتاج وقت وجهد كبير لإنه قرر يمشي عكس التربية بتاعته عكس التيار تماماً لذلك الموضوع ممكن يكون صعب شوية بالنسبة له ، في الحالة دي تقدري تتكلمي معاه في أساليب التربية السليمة وتعرفي هو قرر يعمل إيه والأفضل لو قالك إنه مش راضي ترشحيله كورس تربية أوكتاب عشان يستفاد منه لإن بالفعل شخص زي ده محتاج مساعدتك وتدعيمك بجانب جهده لو عايزة تكملي معاه أما لو مش عايزة تبذلي مجهود أو مفيش بينكم حب كفاية أو مش هتقدري تدعمي يبقي إنفدي بجلدك أحسن بدري بدري :D
مع تحياتي وأمنياتي بزواج سعيد #سمر_محمد_إرشاد_أسري
0 تعليقات