توضيح صغير بس عشان يفهم الخطيب حدوده والخطيبة حقوقها <3
عايزة أفهم ليه الشاب بيتحكم في خطيبته وقت الخطوبة .. ليه لما بتيجي تستأذن منه عشان تروح فرح واحدة صاحبتها يقولها لا متروحيش .. دي حتي اسمها خطوبة يعني وعد بالزواج مش زواج .. طيب بيرفض ليه ؟
بدافع ايه يعني الغيرة وخايف عليها ولا بدافع انه عايز يعودها ع النظام بعدين ؟؟ في الحالتين هو غلطان وبيضرب بالدين عرض الحائط كمان .. لاسباب كتير اولا لو بدافع انه بيغير عليها او بيخاف عليها فخليني أقولك مفيش حد هيخاف ولا هيغير عليها قد والدها .. لانها باختصار لسة بنته وهتفضل بنته اللي هتفضل شايلة إسمه طول العمر ومبقتش زوجتك لسة .. ثانيا لو بدافع إنه عايز يعودها ع النظام بعد الجواز يبقي تفتكر ان دي خطوبة يعني وعد بالزواج يعني مرحلة تحديد اتفاقات مش تنفيذها .. وعايزة أقولك أما تبقي تروح بيتك وتبقي زوجتك تبقي تسمع كلامك وتبدأ بقي في تنفيذ الإتفاقات اللي اتفقتوا عليها .. ومتروحش اي مكان لانك ساعتها هتبقي جنتها أو نارها ثم ان النبي قال فيما معناه لو أمرت انسان يسجد لانسان لامرت المرأة أن تسجد لزوجها يعني مش لخطيبها فبلاش شغل سي السيد ده الله يخليك .. البنت بقي لما تيجي تتصل بخطيبها عشان تقوله حاجة زي دي يبقي تتصل تعرفه من باب الإحترام مش من باب الاستئذان وتحدد إنها مش هتتأخر عن ميعاد معين مراعاة لمشاعره مش أكتر .. لان الأولي بالإستئذان والطاعة (سواء وافق أو رفض ) حاليا والدها اللي هي عايشة في بيته اللي بيصرف عليها اللي لسة ليه حق القوامة عليها مش من خطيبها " وبالوالدين إحسانا " .. ثم إن اسلامنا أمرنا بمشاركة غيرنا من المسلمين أفراحها وأحزاننا .. !؟ فمابالك بقي أفراح اصحابنا اللي بقالهم سنين في عشرة طيبة معانا !؟ دي حتي لو رفضت دعوتها بحجة ان خطيبها مش موافق هتزعل من صاحبتها جدا وتقول دي مش عايزة تفرحلي .. خطيبها خدها مننا بقي .. !
بلاش تزعلي صاحباتك منك عشان متبقيش بعد الجواز وحيدة .. متهمشيش نفسك بايديكي وتهمشي رأي باباكي لمجرد انك حطيتي دبلة في ايدك اليمين لما تتنقل في الشمال بإذن الله إبقي اسمعيله هو بس براحتك .. انتي كدة بتلغي شخصيتك وبتسمحيله يتحكم فيكي أكتر وأكتر .. اعرفي حقوقك ايه وافصلي بين كونك خطيبة وكونك زوجة ... :)
#سمر_محمد_إرشاد_أسري
عايزة أفهم ليه الشاب بيتحكم في خطيبته وقت الخطوبة .. ليه لما بتيجي تستأذن منه عشان تروح فرح واحدة صاحبتها يقولها لا متروحيش .. دي حتي اسمها خطوبة يعني وعد بالزواج مش زواج .. طيب بيرفض ليه ؟
بدافع ايه يعني الغيرة وخايف عليها ولا بدافع انه عايز يعودها ع النظام بعدين ؟؟ في الحالتين هو غلطان وبيضرب بالدين عرض الحائط كمان .. لاسباب كتير اولا لو بدافع انه بيغير عليها او بيخاف عليها فخليني أقولك مفيش حد هيخاف ولا هيغير عليها قد والدها .. لانها باختصار لسة بنته وهتفضل بنته اللي هتفضل شايلة إسمه طول العمر ومبقتش زوجتك لسة .. ثانيا لو بدافع إنه عايز يعودها ع النظام بعد الجواز يبقي تفتكر ان دي خطوبة يعني وعد بالزواج يعني مرحلة تحديد اتفاقات مش تنفيذها .. وعايزة أقولك أما تبقي تروح بيتك وتبقي زوجتك تبقي تسمع كلامك وتبدأ بقي في تنفيذ الإتفاقات اللي اتفقتوا عليها .. ومتروحش اي مكان لانك ساعتها هتبقي جنتها أو نارها ثم ان النبي قال فيما معناه لو أمرت انسان يسجد لانسان لامرت المرأة أن تسجد لزوجها يعني مش لخطيبها فبلاش شغل سي السيد ده الله يخليك .. البنت بقي لما تيجي تتصل بخطيبها عشان تقوله حاجة زي دي يبقي تتصل تعرفه من باب الإحترام مش من باب الاستئذان وتحدد إنها مش هتتأخر عن ميعاد معين مراعاة لمشاعره مش أكتر .. لان الأولي بالإستئذان والطاعة (سواء وافق أو رفض ) حاليا والدها اللي هي عايشة في بيته اللي بيصرف عليها اللي لسة ليه حق القوامة عليها مش من خطيبها " وبالوالدين إحسانا " .. ثم إن اسلامنا أمرنا بمشاركة غيرنا من المسلمين أفراحها وأحزاننا .. !؟ فمابالك بقي أفراح اصحابنا اللي بقالهم سنين في عشرة طيبة معانا !؟ دي حتي لو رفضت دعوتها بحجة ان خطيبها مش موافق هتزعل من صاحبتها جدا وتقول دي مش عايزة تفرحلي .. خطيبها خدها مننا بقي .. !
بلاش تزعلي صاحباتك منك عشان متبقيش بعد الجواز وحيدة .. متهمشيش نفسك بايديكي وتهمشي رأي باباكي لمجرد انك حطيتي دبلة في ايدك اليمين لما تتنقل في الشمال بإذن الله إبقي اسمعيله هو بس براحتك .. انتي كدة بتلغي شخصيتك وبتسمحيله يتحكم فيكي أكتر وأكتر .. اعرفي حقوقك ايه وافصلي بين كونك خطيبة وكونك زوجة ... :)
#سمر_محمد_إرشاد_أسري
0 تعليقات