*************تجربة شخصية ************
التقييم الذاتي احد اهم الجوانب العشرة للنجاح
لحد 2014 مكنتش بعرف انقد نفسي نقد موضوعي كنت دايما بستني من الاشخاص اللي حوليا انها تقيمني وتقول رايها فيا وفي سلوكي ...
في 2015 بدأت اكتشف ان جوة كل شخص فينا حكم وناقد ذاتي ومشجع ذاتي برضه .. وبدأت اخرج برة نفسي تماما والاحظ سلوكي في كل موقف وبكل وقت واحيانا كتير كنت بقف قدام المراية .. وأتخيل نفسي وانا بتعامل مع الشخصية اللي قدامي هل هأكون راضية عنها عن سلوكها ومشاعرها وافكارها ومظهرها وابتسامتها علي وشها ؟ دينها اخلاقها قيمها علمها .. مدي تقبلي لمشاركتي ليها في حياتي ولا مش هاكون راضية ؟ ايه الجوانب اللي راضية عنها محتاجة تثبيت وايه الجوانب اللي مش راضية عنها محتاج تعديل وتنمية .. ايه الجانب اللي اقدر اسيطر عليه واغيره حالا لوحدي وايه الجانب اللي لازمله موارد او مساعدات حتي معنوية من الاشخاص اللي حوليا عشان أوصل لدرجة الرضا الشخصي عن الجانب ده ؟
وده فادني جدا في تطوير شخصيتي للأفضل .. الموضوع في البداية كان صعب لاننا بطبيعتنا اتربينا ع المدح اللي يدعم سلوك يرضي الناس وبالتالي لو ماخدناش المدح يبقي مش هيرضيهم او يبقي غلط فنحاول نغيره .. واتعودنا ع العقاب والذم اللي يطفي سلوك معين مش بيعجب اللي حوالينا بقينا في عبودية نفسية وفكرية !!
وكمان فيه سبب تاني هيخلي الموضوع صعب في البداية بس مش مستحيل .. السبب هو ان مشاعر حبك لذاتك بتتدخل في التقييم ده بس كتر الممارسة والتدريب بالتدريج هتعرف تفصل نفسك تماما عن مشاعر النرجسية وحب الذات لنفسك وتقدر تنظر لنفسك بموضوعية وتكتشف عيوبك قبل ما حد تاني يكتشفها ويقعد يعدل عليك !!
هتقدر كمان تبص لنفسك من برة نفسك كانك شخص واقف علي بعد أميال من شخص تاني انت بتشبه عليه بس حاسس انه غريب .. ووقت ما تحس انه غريب فعلا .. هنا بقي بداية اكتشاف العيوب اللي مكنتش شايف انها فيك لانك في صميم نفسك فعنيك كانت معمية ومش شايفة اللي برة ده بيتصرف في المواقف المختلفة ازاي !؟
غمض عنيك كدة واتخيل روحك برة جسدك تماما شوف جسدك ده بيعمل ايه وعايش حياته ازاي تخيله وهو بياكل وهو بيشرب وهو بيناقش الناس بيحب بيكره بيعمل شغله .. هل انت راضي عن كل سلوكه لو قلت أه يبقي درجة رضاك عن نفسك بنسبة 100% ويبقي انت كدة مش محتاج تعديل في شخصيك .. برافو عليك .. لو قلت لأ علي اي سلوك انت مش راضي عنه يبقي دي بداية التغيير ان شاء الله .. ان انت تحط ايديك ع العيب ده وتبدأ تصلحه وتحطله خطة متخرش المية عشان يبقي ميزة في شخصك :)
تمرين المراية خاص بالشكل والمظهر اكتر .. لان درجة رضاك عن شكلك وجمالك بتحدد مدي رضي واحساس الناس بجمال وبشاشة الشخص اللي بتتعامل معاه اللي هو انت ... اقف قدام المراية لاحظ جسمك هندامك ولبسك تسريحة شعرك بشاشة وشك أو تجهمه وقيم بموضوعية هل انت مبسوط انك بتتعامل مع الشخص اللي قدامك باللبس وبالابتسامة دي ولا لأ ؟ شكلك انت لازم تتقبله بدون نرجسية وبدون قلة رضا لان شكلنا ده خلقة ربنا .. ربنا هو اللي خلقنا في احسن تقويم بس ربنا برضه جميل يحب الجمال لذلك هيبقي شئ جميل جدا انك تجمل نفسك بالنظافة الشخصية والاهتمام ببشاشة الوجه لان البشاشة بالنسبة لي نص الجمال :)
ركز في اللي تقدر تغيره فورا عشان تنول رضا نفسك واهم حاجة يكون التغيير ده فوري وتقدر تعمله بنفسك وتسيطر عليه .. :)
جربها بجد شعور جميل انك تعيش رحلة التقييم والاحساس الناتج عنها .. جربها عشان مفييش حد متطفل ييجي يتكلم ويقيم سلوكك بناء علي مشاعره الشخصية ناحيتك فيخدعك .. جربها عشان بجد احساس انك تكون اتنين في واحد هيغنيك عن اشخاص محبطين كتير في حياتك ويخليك تعدل من سلوكك وتبقي واثق اكتر في نفسك ...
جربها عشان ميجيش شخص مريض نفسي يعمل اسقاط لعيوبه الشخصية عليك وحياتك تنهار بسببه هوسه ..
جربها عشان اللي بيحبك أوووي هيخاف يخسرك و وهيعمي نفسه عن انه يشوف عيوبك ومش هيشوفك الا انسان كامل وبكدة هيحرمك من فرصة انك تحط ايدك علي عيوبك وتحاول تعديل واصلاح سلوكك للأفضل ..
جربها عشان ميجيش شخص بيكرهك يخترع عيوب من وحي خياله عشان يفقدك الثقة بنفسك ( متتأثرش بالتقييم السلبي )
جربها عشان ميجيش شخص جاهل بيك وبصفاتك او مبيعرفش يقيم أصلا ومعندوش معايير قيمية او محكات او مثل عليا وقدوات صالحة يقيمك علي اساسها ..
جربها عشان ميجيش شخص السلم القيمي عنده مقلوب تماما والقدوة بتاعته كلها عيوب شخصية ييجي يقيمك علي اساسها وانت مش عارف هو قيمك بناء علي ايه فتفقد الثقة بنفسك !
وخدها قاعدة الناس دايما مش هنفتكر انجازاتك لكن هتفتكر اخفاقاتك .. هما كدة لو خطأ صغير منك هيمسحوا كل تاريخك القديم ويركزوا بس علي خطأك( بئس الناس ) وطبيعي جد انك كل ماتعلي وترتفع الناس تحدفك بالطوب ( ألسنتهم السليطة ) .. فلما تتعرض لاي نقد متاخدش الموضوع بشكل شخصي .. خد نفس واقبل ان المسألة دي متعلقة بيهم هما مش بيك انت .. ومتنفعلش .. اذا انفعلت استعيد توازنك بسرعة .. طالما هما مش بينجزوا في حياتهم هينتقدوك هي دي طبيعة الناس .. لكن لو شخص بينجز في حياته وبينجح جدا وانتقدك خد النقد بعين الاعتبار غالبا هيكون صريح وصادق .. بناء علي خبرته وبالتأكيد هيبقي عايزك تتطور للأحسن .. عشان كدة مبقتش أهتم بنصائح الجهلاء وغير الخبراء وخاصة في مجالي
#قيم_ذاتك_تصلح_حياتك
#سمر_محمد_ارشاد_اسري
التقييم الذاتي احد اهم الجوانب العشرة للنجاح
لحد 2014 مكنتش بعرف انقد نفسي نقد موضوعي كنت دايما بستني من الاشخاص اللي حوليا انها تقيمني وتقول رايها فيا وفي سلوكي ...
في 2015 بدأت اكتشف ان جوة كل شخص فينا حكم وناقد ذاتي ومشجع ذاتي برضه .. وبدأت اخرج برة نفسي تماما والاحظ سلوكي في كل موقف وبكل وقت واحيانا كتير كنت بقف قدام المراية .. وأتخيل نفسي وانا بتعامل مع الشخصية اللي قدامي هل هأكون راضية عنها عن سلوكها ومشاعرها وافكارها ومظهرها وابتسامتها علي وشها ؟ دينها اخلاقها قيمها علمها .. مدي تقبلي لمشاركتي ليها في حياتي ولا مش هاكون راضية ؟ ايه الجوانب اللي راضية عنها محتاجة تثبيت وايه الجوانب اللي مش راضية عنها محتاج تعديل وتنمية .. ايه الجانب اللي اقدر اسيطر عليه واغيره حالا لوحدي وايه الجانب اللي لازمله موارد او مساعدات حتي معنوية من الاشخاص اللي حوليا عشان أوصل لدرجة الرضا الشخصي عن الجانب ده ؟
وده فادني جدا في تطوير شخصيتي للأفضل .. الموضوع في البداية كان صعب لاننا بطبيعتنا اتربينا ع المدح اللي يدعم سلوك يرضي الناس وبالتالي لو ماخدناش المدح يبقي مش هيرضيهم او يبقي غلط فنحاول نغيره .. واتعودنا ع العقاب والذم اللي يطفي سلوك معين مش بيعجب اللي حوالينا بقينا في عبودية نفسية وفكرية !!
وكمان فيه سبب تاني هيخلي الموضوع صعب في البداية بس مش مستحيل .. السبب هو ان مشاعر حبك لذاتك بتتدخل في التقييم ده بس كتر الممارسة والتدريب بالتدريج هتعرف تفصل نفسك تماما عن مشاعر النرجسية وحب الذات لنفسك وتقدر تنظر لنفسك بموضوعية وتكتشف عيوبك قبل ما حد تاني يكتشفها ويقعد يعدل عليك !!
هتقدر كمان تبص لنفسك من برة نفسك كانك شخص واقف علي بعد أميال من شخص تاني انت بتشبه عليه بس حاسس انه غريب .. ووقت ما تحس انه غريب فعلا .. هنا بقي بداية اكتشاف العيوب اللي مكنتش شايف انها فيك لانك في صميم نفسك فعنيك كانت معمية ومش شايفة اللي برة ده بيتصرف في المواقف المختلفة ازاي !؟
غمض عنيك كدة واتخيل روحك برة جسدك تماما شوف جسدك ده بيعمل ايه وعايش حياته ازاي تخيله وهو بياكل وهو بيشرب وهو بيناقش الناس بيحب بيكره بيعمل شغله .. هل انت راضي عن كل سلوكه لو قلت أه يبقي درجة رضاك عن نفسك بنسبة 100% ويبقي انت كدة مش محتاج تعديل في شخصيك .. برافو عليك .. لو قلت لأ علي اي سلوك انت مش راضي عنه يبقي دي بداية التغيير ان شاء الله .. ان انت تحط ايديك ع العيب ده وتبدأ تصلحه وتحطله خطة متخرش المية عشان يبقي ميزة في شخصك :)
تمرين المراية خاص بالشكل والمظهر اكتر .. لان درجة رضاك عن شكلك وجمالك بتحدد مدي رضي واحساس الناس بجمال وبشاشة الشخص اللي بتتعامل معاه اللي هو انت ... اقف قدام المراية لاحظ جسمك هندامك ولبسك تسريحة شعرك بشاشة وشك أو تجهمه وقيم بموضوعية هل انت مبسوط انك بتتعامل مع الشخص اللي قدامك باللبس وبالابتسامة دي ولا لأ ؟ شكلك انت لازم تتقبله بدون نرجسية وبدون قلة رضا لان شكلنا ده خلقة ربنا .. ربنا هو اللي خلقنا في احسن تقويم بس ربنا برضه جميل يحب الجمال لذلك هيبقي شئ جميل جدا انك تجمل نفسك بالنظافة الشخصية والاهتمام ببشاشة الوجه لان البشاشة بالنسبة لي نص الجمال :)
ركز في اللي تقدر تغيره فورا عشان تنول رضا نفسك واهم حاجة يكون التغيير ده فوري وتقدر تعمله بنفسك وتسيطر عليه .. :)
جربها بجد شعور جميل انك تعيش رحلة التقييم والاحساس الناتج عنها .. جربها عشان مفييش حد متطفل ييجي يتكلم ويقيم سلوكك بناء علي مشاعره الشخصية ناحيتك فيخدعك .. جربها عشان بجد احساس انك تكون اتنين في واحد هيغنيك عن اشخاص محبطين كتير في حياتك ويخليك تعدل من سلوكك وتبقي واثق اكتر في نفسك ...
جربها عشان ميجيش شخص مريض نفسي يعمل اسقاط لعيوبه الشخصية عليك وحياتك تنهار بسببه هوسه ..
جربها عشان اللي بيحبك أوووي هيخاف يخسرك و وهيعمي نفسه عن انه يشوف عيوبك ومش هيشوفك الا انسان كامل وبكدة هيحرمك من فرصة انك تحط ايدك علي عيوبك وتحاول تعديل واصلاح سلوكك للأفضل ..
جربها عشان ميجيش شخص بيكرهك يخترع عيوب من وحي خياله عشان يفقدك الثقة بنفسك ( متتأثرش بالتقييم السلبي )
جربها عشان ميجيش شخص جاهل بيك وبصفاتك او مبيعرفش يقيم أصلا ومعندوش معايير قيمية او محكات او مثل عليا وقدوات صالحة يقيمك علي اساسها ..
جربها عشان ميجيش شخص السلم القيمي عنده مقلوب تماما والقدوة بتاعته كلها عيوب شخصية ييجي يقيمك علي اساسها وانت مش عارف هو قيمك بناء علي ايه فتفقد الثقة بنفسك !
وخدها قاعدة الناس دايما مش هنفتكر انجازاتك لكن هتفتكر اخفاقاتك .. هما كدة لو خطأ صغير منك هيمسحوا كل تاريخك القديم ويركزوا بس علي خطأك( بئس الناس ) وطبيعي جد انك كل ماتعلي وترتفع الناس تحدفك بالطوب ( ألسنتهم السليطة ) .. فلما تتعرض لاي نقد متاخدش الموضوع بشكل شخصي .. خد نفس واقبل ان المسألة دي متعلقة بيهم هما مش بيك انت .. ومتنفعلش .. اذا انفعلت استعيد توازنك بسرعة .. طالما هما مش بينجزوا في حياتهم هينتقدوك هي دي طبيعة الناس .. لكن لو شخص بينجز في حياته وبينجح جدا وانتقدك خد النقد بعين الاعتبار غالبا هيكون صريح وصادق .. بناء علي خبرته وبالتأكيد هيبقي عايزك تتطور للأحسن .. عشان كدة مبقتش أهتم بنصائح الجهلاء وغير الخبراء وخاصة في مجالي
#قيم_ذاتك_تصلح_حياتك
#سمر_محمد_ارشاد_اسري
0 تعليقات