#التأهيل_النفسي_لكل_بنت_شاب_مقبل_ع_الزواج
خدعوكي فقالوا .. بالحب تتحل كل المشاكل .. الحب وحده كفاية عشان تعيشي سعيدة مع جوزك .. الحب يصنع المعجزات .. !
كذبوا والله يا أختي .. هيأولك الحياة ورد وحب ورمانسية وحاجات خيالية وكلمات عشق ..رفعوكي في السماء و شالوا رجلك تماما من علي ارض الواقع وحطوكي علي سحابة جميلة مليانة قلوب وورود وكلام معسول .. وبعد الجواز سابوكي تقعي علي رقبتك بدون اي مساعدة !!
وعشان انتي حبيبتي وصديقتي وانت كمان صديقي لازم أوضحلكوا انتوا الاتنين يعني ايه زواج علي ارض الواقع .. وايه المطلوب مننا عشان نبقي متهيأين نفسيا وعقليا كويس عشان نقوم بخطوة الارتباط الجاد ( الزواج)
أولا .. لازم تعرف ان الزواج مسئولية .. لان معني انك انتي او هو تنتقلوا لحياة جديدة يعني فيه اعباء جديدة هتشيلوها وتشيلوا همها وهتبقي مسئولة انتي وهو عن اسرة كاملة وبيت واولاد ومصاريف وميزانيات واجتماعيات جديدة مطلوب منك انك تتكيفي معاها وتكوني قدها ...
الحب وحده مش كفاية .. العواطف بتبقي جزء من اجزاء كتير وطالما حبيتي يبقي لازم تدوري علي باقي الجوانب للشخصية اللي هتعيش معاها زي مدي تحمل الزوج /ــة لتحمل المسئولية ... لازم يكون فيه استعداد وقدرة علي تحمل السمئولية الجديدة دي لاننا هنتسأل عنها يوم الدين ( كلكم راع وكلكم مسئول عن رعيته والرجل راع في البيت ومسئول عن رعيته والمرأة راية في بيتها ومسئولة عن رعيتها )
قوليلي الحب هيفيدك ازاي اذا وقع جوزك في ضيقة مالية وكان رزقه محدود ؟ وانت هتتتصرف ازاي لما زوجتك يجيلها مرض او تقابلها مشكلة صحية محتاجة مال ووقت ودعم من الاقارب كمان ؟ هتعمل ايه لو ولادك كتير ومحتاجين مصاريف اكتر واهتمام بالتعليم وغرس قيم فيهم ؟ هتعمل ايه لو مراتك عايشة في وهم الحب ومش قادرة تشيل بيت جديد ومش عارفة تربي أولاد ؟
سيبك من كلام العشق والهوي والغرام اللي مالي الافلام والمسلسلات والاغاني ومتفكروش ان الجواز كدة مفيش اي مسئولية متع وحب وبس .. وييجي يدورا عليه ميلاقهوش وينفصلوا من أول شهر لما يتصدموا بالواقع اللي كله مسئوليات وواجبات وتضحيات وده بيبقي سبب من أسباب الطلاق خاصة بين الشباب اللي معندوش مرونة نفسية ومبيقدرش يتحول بسرعة من حالة نفسية جميلة لتحمل الواقع ووتقبله علي انه تحدي !! وطبعا مش عايزة اقول ارقام الطلاق المخيفة بين بنات اقل واكتر من العشرين بشهور واحيانا الجوازة بسبب الموضوع ده ( الرومانسية المفرطة ) مبتكملش اسبوع حتي ...
لازم نستعد كويس لتحمل المسئولية .. لاننا لو اتدربنا علي تحمل المسئولية هنعرف ازاي نراعي ونهتم ببعض وده في حد ذاته هيولد الحب الحقيقي في الحياة وطبعا كتير مننا بيشوف ازواج مفيش بينهم اي حب متجوزين جواز صالونات زي ما بتقولوا لكن موقف واحد ( مرض احد الزوجين أو عسره ماديا ) واهتمام التاني ومساعدته ليه عشان المركب تمشي ظهر معدن الشخص والحب الحقيقي اللي جواه واتولد الحب وعاشوا في سعادة :)
وزي ما قال قرآآنا الكريم ( الرجال قوامون علي النساء بما فضل الله به بعضهم علي بعض وبما أنفقوا من أموالهم .. فالصالحات قانتات حافظات للغيب بما حفظ الله )
نستخلص من الاية دي ان مسئولية الرجل هنا حاجتين مهمين جدا ... القوامة سواء مادية او فكرية ( رعاية وادارة وأمان وحماية وتعليم زوجته شئ من القران ) والنفقة .. لازم تستعد ماديا للزواج .. وارجوكم يابنات في الزواج يسروا ولا تعسروا لان افضل النساء أقلهم مهورا :) ..
ومسئولية البنت هنا هي حفظ الزوج والبيت والاولاد في غيابه وحضوره طاعته فيما يرضي الله عز وجل فلا طاعة في معصية حتي لو كان قديس او نبي مش زوج !
الزواج يعني تضحية .. ومبيمشيش الزواج من غير تضحية من الطرفين .. لان اي حد بياخد خطوة الزواج دي بالتأكيد بيتخلي عن متع واوقات وحاجات كتير كان بيعملها لوحده او مع اصدقائه .. ابسط شئ وقته بقي من الشغل للبيت بعد ما كان سهر وفسح لبعد نص الليل ! والبنت أم التضحيات طبعا لانها بتضحي احيانا بمستقبلها عشان مستقبل ولادها وزوجها !
خلي كل بنت وكل شاب يسال اهله كدة ازاي قام الجواز وازاي استمر بينكم ؟ وازاي واجهتوا الصعوبات والمشاكل الحياتية ؟ هيقولك بالصبر والتضحية ( بعديله ويعديلي )
الجواز تضحية ومفيش جواز من غير تضحية ..
فيه قصة طريفة جدا عن صحابية جليلة اسمها أم هانئ بنت عم رسولنا الكريم صلي الله عليه وسلم واخت علي بن أبي طالب .. الصحابية دي لما جوزها مات وسابلها أيتام عشان تربيهم الرسول خطبها لنفسه فاعتذرت ليه وقالت ان ليه اولاد صغار تنتبه لتربيتهم .. خافت لتقبل الرسول وتقصر في حق أولادها او تنتبه لاولادها وتقصر في حق النبي ان اتجوزها .. فالرسول قبل عذرها وقال " خير نساء ركبن الإبل نساء قريش .. أحناه علي ولد في صغره .. وأرعاه علي زوج في ذات يده "
أم هانئ ضحت بأشرف وأجمل رتبة ممكن اي امرأة تنالها في العالم ( أم المؤمنين ) كانت هتنول الشرف والرتبة دي دنيا وآخرة .. بمصطلحات اليوم السيدة الأولي :)
وعندنا جابر ابن عبد الله رضي الله عنه قال ايه ؟( تزوجت فقال لي رسول الله تزوجت يا جابر ؟ فقلت نعم .. قال بكرا أم ثيبا ؟ فقلت لا : بل ثيبا .. فقال : هلا جارية فتلاعبها وتلاعبك ؟ فقلت يارسول الله إن عبد الله - أباه - مات وترك سبع بنات فجئت بمن تقوم عليهن .. فدعا لي )
هنا جابر رضي الله عنه ضحي بأجمل لذة بيتمناها كل شاب في جوازه .. ان تكون زوجته بكر .. ضحي عشان أسرته واخواته يفضلوا بخير :)
( أنا وإمرأة سفعاء ( سوداء ) كهاتين في الجنة - وأِشار باصبعيه السبابة والوسطي - إمرأة أيمت من زوجها .. ذا منصب وجمال وحبست نفسها علي يتاماها حتي بانوا أو ماتوا ) #حديث_شريف
لازم نعرف ان جواز يعني تضحية وطالما هيضحي يبقي يطلب الثواب من الله وان شاء الله مأجور عليه ... ( إن الله لا يضيع أجر المحسنين ) :)
لازم نعرف إن جواز يعني قبول لاختلاف الاخر عن تفكيرنا وسلوكنا ( ولو شاء ربك لجعل الناس أمة واحدة ولا يزالون مختلفين إلا من رحم ربك ولذلك خلقهم ) ( لا يزال الناس بخير ما تباينوا واذا تساووا هلكوا )
الاختلاف ده أصله سنة من سنن ربنا فلا حياة بدون اختلاف ومش ممكن الناس كلها تتفق علي شئ واحد .. سبحان مغير الأحوال ... وزي ما بيقول الفلاسفة ( اذا انتفي كل فارق انتفت الأثنينية )
لذلك لازم نتهيأ نفسيا لقبول الاخر عننا ومع الوقت هنقرب أكتر ونكتشف بعض أكتر ونحب بعض أكتر <3
وطبعا مفيش زوجين بالعالم متفقين 100% ده يبقي ملل ومش هيبقي فيه اي متعة في اكتشاف الاخر والعالم اللي جواه لاننا هنحس اننا بنبص في مراية وبنشوف نفسنا .. مفيش جديد !!
واعلي نسبة اتفاق احيانا بتكون بين زوجين هي 70 % ده في بداية الحياة اما مع مرور الوقت بيزيد التقارب ده وبنتقبل اختلافاتنا وده هيزود التوافق ويقلل الاختلاف .. لازم يكون فيه اختلاف عشان يبقي فيه تفاعل وحوار متبقاش الحياة جامدة ويكون فيه اتفاق عشان نشارك بعض في هواياتنا وحياتنا وننسجم أكتر مع بعض ..
لازم نتهيأ نفسيا تهيأة سليمة وصحيحة جدا عشان نعيش حياتنا بسلام مع الطرف الأخر ... :)
الجوازثقة .. تضحية .. الجواز مسئولية .. الجواز قبول لاختلاف الآخر وتقبله
#سمر_محمد_ارشاد_اسري
خدعوكي فقالوا .. بالحب تتحل كل المشاكل .. الحب وحده كفاية عشان تعيشي سعيدة مع جوزك .. الحب يصنع المعجزات .. !
كذبوا والله يا أختي .. هيأولك الحياة ورد وحب ورمانسية وحاجات خيالية وكلمات عشق ..رفعوكي في السماء و شالوا رجلك تماما من علي ارض الواقع وحطوكي علي سحابة جميلة مليانة قلوب وورود وكلام معسول .. وبعد الجواز سابوكي تقعي علي رقبتك بدون اي مساعدة !!
وعشان انتي حبيبتي وصديقتي وانت كمان صديقي لازم أوضحلكوا انتوا الاتنين يعني ايه زواج علي ارض الواقع .. وايه المطلوب مننا عشان نبقي متهيأين نفسيا وعقليا كويس عشان نقوم بخطوة الارتباط الجاد ( الزواج)
أولا .. لازم تعرف ان الزواج مسئولية .. لان معني انك انتي او هو تنتقلوا لحياة جديدة يعني فيه اعباء جديدة هتشيلوها وتشيلوا همها وهتبقي مسئولة انتي وهو عن اسرة كاملة وبيت واولاد ومصاريف وميزانيات واجتماعيات جديدة مطلوب منك انك تتكيفي معاها وتكوني قدها ...
الحب وحده مش كفاية .. العواطف بتبقي جزء من اجزاء كتير وطالما حبيتي يبقي لازم تدوري علي باقي الجوانب للشخصية اللي هتعيش معاها زي مدي تحمل الزوج /ــة لتحمل المسئولية ... لازم يكون فيه استعداد وقدرة علي تحمل السمئولية الجديدة دي لاننا هنتسأل عنها يوم الدين ( كلكم راع وكلكم مسئول عن رعيته والرجل راع في البيت ومسئول عن رعيته والمرأة راية في بيتها ومسئولة عن رعيتها )
قوليلي الحب هيفيدك ازاي اذا وقع جوزك في ضيقة مالية وكان رزقه محدود ؟ وانت هتتتصرف ازاي لما زوجتك يجيلها مرض او تقابلها مشكلة صحية محتاجة مال ووقت ودعم من الاقارب كمان ؟ هتعمل ايه لو ولادك كتير ومحتاجين مصاريف اكتر واهتمام بالتعليم وغرس قيم فيهم ؟ هتعمل ايه لو مراتك عايشة في وهم الحب ومش قادرة تشيل بيت جديد ومش عارفة تربي أولاد ؟
سيبك من كلام العشق والهوي والغرام اللي مالي الافلام والمسلسلات والاغاني ومتفكروش ان الجواز كدة مفيش اي مسئولية متع وحب وبس .. وييجي يدورا عليه ميلاقهوش وينفصلوا من أول شهر لما يتصدموا بالواقع اللي كله مسئوليات وواجبات وتضحيات وده بيبقي سبب من أسباب الطلاق خاصة بين الشباب اللي معندوش مرونة نفسية ومبيقدرش يتحول بسرعة من حالة نفسية جميلة لتحمل الواقع ووتقبله علي انه تحدي !! وطبعا مش عايزة اقول ارقام الطلاق المخيفة بين بنات اقل واكتر من العشرين بشهور واحيانا الجوازة بسبب الموضوع ده ( الرومانسية المفرطة ) مبتكملش اسبوع حتي ...
لازم نستعد كويس لتحمل المسئولية .. لاننا لو اتدربنا علي تحمل المسئولية هنعرف ازاي نراعي ونهتم ببعض وده في حد ذاته هيولد الحب الحقيقي في الحياة وطبعا كتير مننا بيشوف ازواج مفيش بينهم اي حب متجوزين جواز صالونات زي ما بتقولوا لكن موقف واحد ( مرض احد الزوجين أو عسره ماديا ) واهتمام التاني ومساعدته ليه عشان المركب تمشي ظهر معدن الشخص والحب الحقيقي اللي جواه واتولد الحب وعاشوا في سعادة :)
وزي ما قال قرآآنا الكريم ( الرجال قوامون علي النساء بما فضل الله به بعضهم علي بعض وبما أنفقوا من أموالهم .. فالصالحات قانتات حافظات للغيب بما حفظ الله )
نستخلص من الاية دي ان مسئولية الرجل هنا حاجتين مهمين جدا ... القوامة سواء مادية او فكرية ( رعاية وادارة وأمان وحماية وتعليم زوجته شئ من القران ) والنفقة .. لازم تستعد ماديا للزواج .. وارجوكم يابنات في الزواج يسروا ولا تعسروا لان افضل النساء أقلهم مهورا :) ..
ومسئولية البنت هنا هي حفظ الزوج والبيت والاولاد في غيابه وحضوره طاعته فيما يرضي الله عز وجل فلا طاعة في معصية حتي لو كان قديس او نبي مش زوج !
الزواج يعني تضحية .. ومبيمشيش الزواج من غير تضحية من الطرفين .. لان اي حد بياخد خطوة الزواج دي بالتأكيد بيتخلي عن متع واوقات وحاجات كتير كان بيعملها لوحده او مع اصدقائه .. ابسط شئ وقته بقي من الشغل للبيت بعد ما كان سهر وفسح لبعد نص الليل ! والبنت أم التضحيات طبعا لانها بتضحي احيانا بمستقبلها عشان مستقبل ولادها وزوجها !
خلي كل بنت وكل شاب يسال اهله كدة ازاي قام الجواز وازاي استمر بينكم ؟ وازاي واجهتوا الصعوبات والمشاكل الحياتية ؟ هيقولك بالصبر والتضحية ( بعديله ويعديلي )
الجواز تضحية ومفيش جواز من غير تضحية ..
فيه قصة طريفة جدا عن صحابية جليلة اسمها أم هانئ بنت عم رسولنا الكريم صلي الله عليه وسلم واخت علي بن أبي طالب .. الصحابية دي لما جوزها مات وسابلها أيتام عشان تربيهم الرسول خطبها لنفسه فاعتذرت ليه وقالت ان ليه اولاد صغار تنتبه لتربيتهم .. خافت لتقبل الرسول وتقصر في حق أولادها او تنتبه لاولادها وتقصر في حق النبي ان اتجوزها .. فالرسول قبل عذرها وقال " خير نساء ركبن الإبل نساء قريش .. أحناه علي ولد في صغره .. وأرعاه علي زوج في ذات يده "
أم هانئ ضحت بأشرف وأجمل رتبة ممكن اي امرأة تنالها في العالم ( أم المؤمنين ) كانت هتنول الشرف والرتبة دي دنيا وآخرة .. بمصطلحات اليوم السيدة الأولي :)
وعندنا جابر ابن عبد الله رضي الله عنه قال ايه ؟( تزوجت فقال لي رسول الله تزوجت يا جابر ؟ فقلت نعم .. قال بكرا أم ثيبا ؟ فقلت لا : بل ثيبا .. فقال : هلا جارية فتلاعبها وتلاعبك ؟ فقلت يارسول الله إن عبد الله - أباه - مات وترك سبع بنات فجئت بمن تقوم عليهن .. فدعا لي )
هنا جابر رضي الله عنه ضحي بأجمل لذة بيتمناها كل شاب في جوازه .. ان تكون زوجته بكر .. ضحي عشان أسرته واخواته يفضلوا بخير :)
( أنا وإمرأة سفعاء ( سوداء ) كهاتين في الجنة - وأِشار باصبعيه السبابة والوسطي - إمرأة أيمت من زوجها .. ذا منصب وجمال وحبست نفسها علي يتاماها حتي بانوا أو ماتوا ) #حديث_شريف
لازم نعرف ان جواز يعني تضحية وطالما هيضحي يبقي يطلب الثواب من الله وان شاء الله مأجور عليه ... ( إن الله لا يضيع أجر المحسنين ) :)
لازم نعرف إن جواز يعني قبول لاختلاف الاخر عن تفكيرنا وسلوكنا ( ولو شاء ربك لجعل الناس أمة واحدة ولا يزالون مختلفين إلا من رحم ربك ولذلك خلقهم ) ( لا يزال الناس بخير ما تباينوا واذا تساووا هلكوا )
الاختلاف ده أصله سنة من سنن ربنا فلا حياة بدون اختلاف ومش ممكن الناس كلها تتفق علي شئ واحد .. سبحان مغير الأحوال ... وزي ما بيقول الفلاسفة ( اذا انتفي كل فارق انتفت الأثنينية )
لذلك لازم نتهيأ نفسيا لقبول الاخر عننا ومع الوقت هنقرب أكتر ونكتشف بعض أكتر ونحب بعض أكتر <3
وطبعا مفيش زوجين بالعالم متفقين 100% ده يبقي ملل ومش هيبقي فيه اي متعة في اكتشاف الاخر والعالم اللي جواه لاننا هنحس اننا بنبص في مراية وبنشوف نفسنا .. مفيش جديد !!
واعلي نسبة اتفاق احيانا بتكون بين زوجين هي 70 % ده في بداية الحياة اما مع مرور الوقت بيزيد التقارب ده وبنتقبل اختلافاتنا وده هيزود التوافق ويقلل الاختلاف .. لازم يكون فيه اختلاف عشان يبقي فيه تفاعل وحوار متبقاش الحياة جامدة ويكون فيه اتفاق عشان نشارك بعض في هواياتنا وحياتنا وننسجم أكتر مع بعض ..
لازم نتهيأ نفسيا تهيأة سليمة وصحيحة جدا عشان نعيش حياتنا بسلام مع الطرف الأخر ... :)
الجوازثقة .. تضحية .. الجواز مسئولية .. الجواز قبول لاختلاف الآخر وتقبله
#سمر_محمد_ارشاد_اسري
0 تعليقات